قصة قصيرة (عمي سيد ..مدير البوفيه) بقلم القاص / Sayed Taher

‏  قصة قصيرة 

(عمي سيد ..مدير البوفيه)

 بقلم وريشة

Sayed Taher

                 ..........

عمي سيد راجل طيب ..نحيف قصير أبيضاني من المنوفيه.

لكنه نشيط تقولشي نحله .؟ من الصبح قايم ..أيوه حاضر..دى قهوة سادة للمدير ..ودا شاي خفيف للوكيل ، ودى خلطه للعميد ، الله يعينه راجل كبير..!؟

طلبت قهوة من عمي سيد ..همس وقالي : عايزلي خدمة من بعد إذنك ..

قلت :/خير يا عم سيد

 البت بطه !!...

خير ماله بطه ؟

..البت كبرت وولاد حارتنا ما بيختشوش في الرايحه والجايه بيعاكسوا فيها ..

والبت لونة لأمها موزة .. 

الله رحمها من دلعها ..وشلت أنا الحمل التقيل .

وأيه المطلوب مني يا عم سيد ..؟ قرب عليا..وقال وظيفه ليها على قد حالنا ..ضحكت وقلت تكنشي فاكر أني الوزير ..؟؟ !! وخفت يزعل لحقت نفسي وقلت وأيه بقي شهادة الست بطه ؟ 

من بعد وقفه جلس وقالي :/

عقبال أمالتك دبلوم تجاره ربك عليم ..

قلتله:/ 

 بكره يكون ورقها حاضر من غير مقاطعه ربك كريم..

قام بسرعه ، قام ضربلي سلام كبير ..

وفي ثواني جابلي قهوه  ، بُن أصلي 

ووش كتير ..طليت على الساحة كانت كسوق كبير ..في كل ركن اتنين حبايب قاعدين بيرغوا في كلام كتير 

هو بيحلم الله أعلم ؟! 

بيوم قريب يجمعوا العيلتين 

ويتصوروا الحبيبين في كوشه بيضة

 من الياسمين ..

الله يبارك وبالرفاء والبنين ..

أنا نسيت عمي سيد وبطه بنته ..

وحاجات كتير ماهي دنيا لاهيه ..

وشاغله الكل الغني قبل الفقير..

وفي مره جالس وحدي ..أفتكرت بطه ..وليه عمي سيد ماجاب ورقها ..أنا قلت يمكن زعل مني.. ولا على خاطره أخد مني ..وفي مرة جابلي القهوة 

و ببسمة رايقة وقالي :/

 خلاص يا دكتور ..

 موضوع بطه قُضي ..

أزاي يا عم سيد؟! 

دا أنا كلمتلك الوزير ...

عملت اللي بيعمله كل الناس المسئولين ياخد الطلب ويركنه ..

وإن قضي بدونه أستثمر النتيجه لصالحه ؟؟!! 

عمي سيد ضحك وقالي :/

 الدكتور بلال عينها عنده موديل جديد ...

كان الخبر ليه صدمة ..

أصلي عارف عن بلال حاجات كتير.. وبسببها أتحرم من ترقيات كتير ..

مرة من شكاوي الطالبات منه .

ومرة تانيه مالشغلات ..

حبيت أني أنبه عمي سيد لكني خفت أنه يُفسر كلامي وتحذيري تفسير تاني ..

بعد مضي شهر

 أختفت بطه ، ولم تعد تحضر للكلية ..سألت عمي سيد عن بطه فصمت ولما كررت السؤال أجابني بنبرة حزينة ..خلاص ..بطه خلاص ..

سألته بانزعاج /

بطه جرالها حاجه يا عم سيد ..؟؟ 

قال : /

لا ..لا هي بخير والحمدلله ..

هذه الأجابة لم تشفي غليلي

 ولم تقنعني فسألته متهوراٌ ..

هل صدر من الدكتور بلال لاسمح الله أي تصرف مسيئ ..؟؟

 قاطعني عمي سيد قائلاً : /

الدكتور بلال راجل محترم وتزوج بطه على سُنة الله ورسوله ..

كانت كلمات عمي سيد كأنه يدافع عن خطأ ارتكبه ويبرر غلطة نادم عليها ..

وهو زواج الدكتور البالغ خمسين عاماٌ من الفتاة الي لم تبلغ العشرين ربيعاٌ ...

................

القاص /

  سيد طاهر